كفالة تعليم

▪️ولد في اولى اعدادي رايح المدرسة ب بنطلون مستعمل ومعمول له دعامة من عند الركب لأنه كان مقطوع قبل كده..

أول اليوم بيقعد في مكانه في الفصل ، البنطلون اتشق نصين!

طبعا اي حد عنده ولاد كبار هيفهم يعني ايه ولد في اعدادي يتحط في موقف زي ده!

▪️بنت في تالتة في إعدادي اتعرضت لمعاكسة سيئة جدًا في الشارع من يومين وغايبة عن المدرسة لأن نفسيتها مش متحملة بسبب أنها مش بتلبس حمالات صدر - اي بنت هتفهم كويس موقفها!!

وطبعًا اترجم ده في الشارع أنه سلوك بنت مش محترمة!!

في حين أن ظروفها هي اللي متحكمة في لبسها وشكلها!!

▪️ بنت في أول جامعة جاية تستلم مع والدتها شنط المدارس، لابسة "بلوزة شتوي" في عز الحر اللي احنا فيه!!

لأن دي الهدوم اللي جاية على مقاسها من الملابس المستعملة اللي والدتها بتاخدها من أهل الخير!!

- والدتها لابسة عباية سودا والله أعلم إيه الهدوم اللي تحتها بصراحة الواحد مش قادر يفكر أو يتخيل!!

▪️في ناس واقفة تبكي لأننا بنوزع كوتشي على ولد وممكن أخوه ميكونش له..

وبتتحايل علينا وفاكرين أن المنع بمزاجنا لكن فعلًا إحنا محكومين جدًا بعدد تبرعات للأسف مش قادرين نغطي الإخوات!!

إنهردة خامس يوم في الدراسة والحالات اللي بتيجي محزنة والواحد مش عارف يطلعها من دماغه!!

كسوة الطالب كاملة ٧٥٠ج بالكوتشي

الغيارات النسائية - حمالات الصدر بتتكلف ١٥٠ج

🔺الحالات مستحقة لزكاة المال

🔺الحالات معدمة ما بين أيتام وفقراء

🔺المشاركة مفتوحة ب أي مبلغ حسب المقدرة