مساعدة طلاب

فاكرين السنة اللي فاتت لما متبرع كلمنا ووعدنا بتوفير ١٠ آلاف شنطة وحذاء مدرسي، وقعدنا نتفق على تفاصيل التفاصيل...

وبعدين فجأة، قبل التوزيع بيومين، قال لنا: «بعتذر»… ونقطة في آخر السطر! 💔

كنا وقتها بالفعل كلمنا حوالي ١٠٠٠ حالة كبداية، وأكتر من ٧٥٠ بيت وعدناهم إننا هنغطي احتياجات أولادهم المدرسية.

وطمّناهم إنهم مايشيلوش هم السنة دي، لأن بفضل الله الشنطة والحذاء خلاص في جيبنا!

وفجأة لقينا نفسنا قدام مئات الأسر اللي وعدناها، ومش عايزين نكسر بخاطرهم😔

وقتها كتبنا لكم بكل إحباط: 

«يا جماعة نجمع أي حاجة… المهم ما نكسرش بخاطرهم».

وفعلًا… الحمد لله، ربنا رزقنا بيكم، وقدرنا نغطي الـ١٠٠٠ حالة وأكتر 

وفي بعض الحالات، عشان نقدر نساعد أكبر عدد ممكن، وفرنا لهم شنط شعبية بتكلفة أقل، وكان أهم هدف وقتها إننا نجبر بخاطرهم ومايرجعوش لأولادهم بإيد فاضية.

لكن السنة دي عندنا احتياج جديد…

الناس دي لسه موجودة، ولسه ظروفها صعبة جدًا وبعض الأطفال استهلكوا الشنط اللي أخدوها السنة اللي فاتت، خصوصًا الشنط الشعبية، وبقت محتاجة تتغير.

 أسر كان عندها ولدين وتلاتة، والسنة اللي فاتت ماقدرناش نوفر شنطة لكل طفل، لأننا كنا ملتزمين بعدد محدد.

يعني ببساطة…

 عندنا أطفال محتاجين شنطة جديدة، وأطفال تانيين محتاجين شنطة لأول مرة🙁

🔺 حاليًا محتاجين نغطي ٤٥٠ شنطة.

🎒 تكلفة الشنطة: ٣٢٠ جنيه.

👟 تكلفة الحذاء: ٢٨٠ جنيه.

⬅️ سهم المشاركة بيبدأ من ٥٠ جنيه.

وإحنا بنتكلم عن أسر تحت خط الفقر…

أسر فعلًا مفيش قدامها حلول، وبعضها لو ماقدرناش نوفر لهم شنطة، ممكن يرجعوا تاني للأكياس البلاستيك بدل شنطة المدرسة!

يمكن بالنسبة لنا الشنطة حاجة بسيطة…

لكن لطفل رايح مدرسته بكيس بلاستيك، شنطة المدرسة معناها كتير جدًا🤍

عشان كده بنطلب منكم زي ما وقفتوا جنبنا السنة اللي فاتت، وجبرتوا خاطر مئات الأطفال والأسر تكملوا معانا مشوارنا السنة دي 🤝

ساعدونا السنة دي نكمل الناقص، ونوصل لأكبر عدد ممكن من الأطفال❤️

ساهموا باللي تقدروا عليه حتى لو ١ جنيه بيفرق ، وشاركوا البوست مع كل حد ممكن يكون سبب في فرحة طفل 

طرق التبرع :-

▪️مندوب للتحصيل

▪️الدفع مباشرة في أحد فروع الجمعية

🔺لتفاصيل أكثر تقدر تكلمنا على رقم : 01033444400