"مفيش حد هنا اسمه سمير ..."

تعالوا نحكليكم قصة عشناها الفترة اللي فاتت ممكن تكون غريبة شوية بس للأسف واقعية جداً ومش بس كده دي متكررة وموجودة كتير

في مرة من المرات اللي قافلة العيون نزلت فيها في قرية من القرى وكشفت على أطفال القرية عشان تطمن على عيونهم ودرجة بصرهم كان من ضمن الأطفال طفل صغير عنده تقريباً 5 سنين إسمه سمير.

عنده ضمور جزئي في العصب البصري "حوَلُ"..

طبعاً فريقنا مكدبش خبر وراح لسمير بيته عشان يبدأ علاجه ونلحقه قبل ما يفقد بصره...

بس حصل اللي عمرنا ما توقعناه !!

أهله أنكروا وجوده في البيت!!

بس برضه فريقنا مسكتش و راح الصحة لإثبات إن الأسرة فيها طفل إسمه سمير بالمواصفات والحالة المذكورة !!

وبعد مقاومة شديدة من الأهل وإصرار مننا إننا نوصل للطفل ...

إكتشفنا إن الأهل معتبرين إبنهم "عار" وحاجة لازم تستخبى عن أي حد لأنه معيوب ودي فضيحة في بلدهم

وبعد مناقشة طويلة مع الأهل وإقناعهم الحمدلله قدرنا نوصل للولد ونحدد له موعد عشان ننقذ بصره ويتعالج من ضمور العصب البصري والحوَلُ بشكل كامل.

العلاج هيتم في المستشفي الجامعي بالإسكندرية #مجاناً لكن تكلفة المواصلات والمبيت عالية جداً على أسر الصعيد الفقيرة وده اللي بنحاول دايماً نوفره عشان ننقذ بصر أكبر عدد من أطفالنا المساكين .

تكلفة الطفل الواحد شاملة إنتقالات ومبيت : 5000 جنيه

يستحق زكاة المال